Polypterus මාළුව ගේ ටැංකිය setup කරන්නෙ කොහොමද කියල සාමාන්ය අවබෝධයක් ලබා ගමු
❤සැ.යු - මෙම ලිපිය වැදගත් වන්නේ polypterus මාළු විශේෂය සඳහාම වෙන්වූ ටැංකියක් නිර්මාණය කිරිම සඳහා හෝ ටැංකියේ සිටින ප්රධාන මත්සයා polypterus යයි අදහස් කරන්නෙකුට පමණකි.
👉 අඩි 5x2x2 තරමේ වත් ටැංකියක් මෙයාලා වෙනුවෙන් වෙන් කරන්න බැරි නම් polypterus හදන එක තේරුමක් නැහැ.
👉පසුතලය සඳහා මොන වගේ පාටක් සුදුසුද?
මේ සඳහා මගේ කලින් බැක්ග්රවුන්ඩ් සඳහා ලියපු ආර්ටිකල් එක කියවා අවබෝධයක් ලබාගන්න. Polypterus මසුන් සිටින ටැංකියක පසුතලයට කළු සහ නිල් වර්ණය වඩාත් සුදුසුයි. නිල් පැහැති වර්ණය යොදා ගන්නවානම් ලා නිල් වර්ණය යොදාගැනීම සුදුසුයි.
👉ටැංකිය තුළ ගස් වැවීම සුදුසුද?
ටැංකිය තුළ ගස් වැවීම ටැංකියේ අලංකාරය , මසුන්ගේ ශරීරයේ ඇති වර්ණ අලංකාර වැඩිදයුණු වීම සහ මාළුන්ගේ සෞඛ්ය තත්වය ,වතුරේ ගුණාත්මක භාවය ඉහළ දැමීමට ,ස්වභාවික පරිසරයක මෙන් අලංකාරයක් ලැබීමට හේතුවක් වුණත් පිරිසිදු කිරීමේ කටයුතු සඳහා වැඩි පරිශ්රමයක් යෙදීමට සිදු වේවි. නෙළුම් කොළ වැනි විශාල පත්ර සහිත ගස් වැවීම සුදුසු නැහැ මොකද ජලය මතුපිට එයින් ආවරණය වෙලා යනවා ඒක ඔවුන්ට හුස්ම ගැනීමට බාධාවක්.
👉කොට කෑලි තැබීම සුදුසුද?
ටැංකියතුළ කොට කෑලි තැබීම අවදානම් සහිතයි. විශේෂයෙන්ම කුඩා ඉඩකඩ සහිත ටැංකියක කොට කෑලි තැබීම මගින් හදිසියේ කලබල වූ අවස්ථාවකදී මෙම මසුන් ඒ මේ අත පිහිනා යාමේ දී ඔවුන්ගේ ශරීරය ඒවායේ ගැටීමට පුළුවන්. උදා -ටැංකිය අසලින් අප ගමන් කරන විට,
ටැංකියේ lights on කරන අවස්ථාවේදී, අපි ටැංකියට අලුතින් මත්ස්යයන් හඳුන්වා දෙන අවස්ථාවේදී, ටැංකිය පිරිසුදු කරන අවස්ථාවේදී, මේ ආදි වශයෙන් ක්ෂණිකව සිදුවන ඕනෑම වෙනස් වීමකදී මේ වගේ කලබලයක් ඇති වන පුළුවන් එවිට ඔවුන් ක්ෂණිකව ප්රතිචාර දක්වන්නෙ හැකිතාක් ඉක්මනින් ඔවුන් සිටින ස්ථානයෙන් ඉවතට වේගයෙන් පිහිනා යාම මගින්. මේ අවස්ථාවකදී ඔවුන්ගේ හිස කොටයක් වැනි රළු පෘෂ්ඨයක ගැටීම තුළින් ක්ෂණික මරණය පවා ඇති වෙන්න පුළුවන්. නමුත් තරමක් විශාල ඉඩ ඉඩක් ඇති ටැංකියක මේ අවදානම අඩුයි(10x3x2 පමණ විශාල ටැංකියක හෝ පොකුණක). කොට කැබලි භාවිතා කරනවා නම් ටැංකියේ ජලය මට්ටම ආසන්නයි එල්වා තැබීම කරන්න පුළුවන් මෙයින් ටැංකිය පතුලේ ඇති ඉඩකඩ උපරිම ලෙස ඔවුන්ට ලබා දෙන්න හැකියාව ලැබෙනවා.
👉 ටැංකි ඉතා හොඳින් ආවරණය කිරීම අත්යවශ්ය කාරණයක්. මෙයින් මත්ස්ය ටැංකිය න් එලියට පනින එක වලක්වා ගන්න පුළුවන්. මතුපිට වාතය ආශ්වාස ප්රාශ්වාස කරන නිසා. ඒ සඳහා ඔවුන්ට හැකි වන අයුරින් ටැංකියේ වහලය සකස් කළ යුතුයි.එය සිදුරු සහිත ප්ලාස්ටික් දැලක් වැනි යමකින් ආවරණය කිරීම වාසි සහගතයි. මොකද යම් අවස්ථාවක ඔවුන් එලියට පැනීමට උත්සාහ කළොත් ඉතා තද පෘෂ්ඨය කින් වහල සවි කර තිබුනොත් ඔවුන් වහලයේ වැදි තුවාල සිදු කර ගන්න පුළුවන්. ඒ වගේම පිටත වාතයට ජල ස්ථරය නිරාවරණය කර තැබීමෙන් ජලයේ ගුණාත්මක බව පවත්වා ගැනීමට හේතුවක් වේවි.
👉පොකුණක් තුළ polypterus මසුන් ඇති කරන්න පුලුවන්ද?
අනිවාරයන් පුළුවන් නමුත් වර්ෂා ජලය පොකුණේ ජලය සමඟ මිශ්ර වීම අවදානම් සහිතයි අනිවාර්යෙන්ම ආවරණයක් යෙදීය යුතුමයි. මේකට හේතුව තමයි වර්ෂා ජලයේ pH අගය ඉතා පහළ මට්ටමක තිබීම. වර්ෂා ජලයෙ නොයෙක් විෂ රසායන ද්රව්ය මිශ්ර වී තිබීමට පුළුවන්. තවද වර්ෂා ජලය එකතු වීමෙන් වතුරේ පරාමිතික අගය ක්ෂණිකව වෙනස් කිරීම මාළුන්ට කිසිසේත්ම හිතකර වන්නේ නැහැ, ආවරණයක් නොකල පොකුණක පිරිසිදු කටයුතු ඉතා අමාරුයි අනවශ්ය ඇල්ගී වැනි ජලජ ශාක ඉතා ඉක්මනින් පැතිරී යන්න පුළුවන්.
👉පතුළට මොනවද දාන්න පුළුවන් ?
මේ සඳහා ජනප්රියම සහ වඩාත්ම සුදුසු දේ වන්නේ රතු, රෝස ,දම් වර්ණයන්ගෙන් යුත් ගානට් වැලි විශේෂ, Ocean free bio gravel හෝ කෘතිමව නිෂ්පාදනය කරන ලද රතු පැහැයෙන් යුත් වැලි වර්ග.කෙනෙක් ඇහුවොත් මේ වැලි කැටයක ප්රමාණය කොතරම් විශාල විය යුතුද කියලා. ලේසියෙන්ම කියන්න පුළුවන් වැඩුණු polypterus මත්ස්යයකුගේ ඇසේ ප්රමාණයෙන් හරි අඩක් පමණ විශාල ප්රමාණයේ වැලිකැට යෙදීම සුදුසු කියලා. එය සම්පූර්ණයෙන් පතුල වැසී යන තෙක් දැමීම අත්යවශ්ය නැහැ. එසේ හැකි නම් එය ටැංකියේ අලංකාරයට හේතුවක් වේවි.
👉මුහුදු වැලි ,ගඟේ වැලි, යොදන්න පුලුවන්ද
කිහිප වරක් සෝදා වියළා ගැනීමෙන් පසුව භාවිතා කිරීමට පුළුවන් නමුත් කිසිසේත් ම සාර්ථක නැහැ. ඊට හේතුව මෙම වර්ග ගණනාවකින් යුක්ත polypterus මත්ස්යයන්ට ඔවුන් ඔවුන්ට ආවේණික වර්ණ රටා තියනවා. සුදු පැහැයට හුරු මෙම වැලි වර්ග යෙදීමෙන් බොහෝ වර්ග වල මසුන්ගේ ඇති වර්ණවත් ශරීර වර්ණය මැකී යනවා. තවත් අවාසිය තමයි මෙවැනි වැලි වර්ග , උළු කැට කැබලි ගඩොල් කුඩු වැනි දේවල් යෙදීමෙන් pH අගය සහ ජලයේ ගුණාත්මක භාවය. වෙනස් වීමකට ලක්වෙන්න තියෙන ඉඩකඩ වැඩියි.
👉කළු පාට වැලි හොඳයිද
කළු පාට වැලි හැමෝම වර්ග වල polypterus අයට හරියන්නේ නැහැ විශේෂයෙන්ම lower jaw අයට. මෙමගින් මසුන්ගේ ශරීරයේ ඇති කොළ පැහැය ඉස්මතු කර ගන්න කළු පැහැති වැලි යෙදීම වැදගත් වෙනවා. නමුත් විවිධ වර්ග වල මසුන්ගේ සමෙහි ඇති විවිධ රේඛා සහ වර්ණ රටා සෑම දෙයක්ම කළු පැහැති රැලි යොදාගැනීමෙන් මතු කරගන්න බැහැ. ඒ වගේම අඳුරු පැහැයක් එමගින් මසුන්ට ලැබෙනවා. රතු පැහැති වැලි යෙදීම තරම් සාර්ථක තවත් ක්රමයක් නැහැ.
👉 මීට අමතරව තව ඉතා සාර්ථක ක්රමයක් තමයි 50%රතු වැලි 30%කළු වැලි20% දුඹුරු වැලි කවලම් කර ටැංකි පතුලට දැමීම මෙය ඉතාමත් සාර්ථක ප්රතිඵල ලබා ගන්න පුලුවන් ක්රමයක් වගේම විවිධ මසුන් වර්ග වල ඇති විවිධ ශරීර වර්ණයන් සෑම දෙයක්ම තීව්ර කිරීමේ හැකියාව මෙයට තියෙනවා.
👉 ටැංකිය පතුළ හිස්ව තැබීම සුදුසුද
ටැංකිය පතුළ හිස්ව තැබීම අවදානම් සහිතයි. වැලි වර්ගයක් නොතිබීම නිසා මෙම මසුන්ට ඝර්ෂණ හැකියාව ලැබෙන්නේ නැහැ එමගින් වේගයෙන් පිහිනා යන අවස්ථාවකදී ඔවුන්ට පාලනය ගිලිහී ගොස් හිස ටැංකියේ විදුරුවේ වැදී මිය ගිය අවස්ථා අපි අසා තියෙනවා. එම ඝර්ෂණ හැකියාව වැඩි කිරීමට ආරක්ෂිත පිළියමක් ලෙස වැලි යොදා ගැනීම කරන්න පුළුවන්.ටැංකිය පතුළ හිස්ව තැබීමෙන් පිරිසුදු කිරීමට පහසුවක් වෙනවා. අනෙක් අවාසිය තමයි මාලුන්ගෙ වර්ණයන් මැකීයාම අනිවාර්යෙන් සිදුවෙනවා.
👉 වැලි යොදා ගන්නැතුව වෙන කිසිම ක්රමයක් නැද්ද මාලුන්ගේ ස්වභාවික පාට මතු කරගන්න.
රතුපාට tiles ටැංකියේ පතුලට යෙදීම. මෙමගින් ටයිල් කැට යට ආහාර කැබලි මලපහ වැනි ද තැන්පත් වී විවිධ අහිතකර බැක්ටීරියා වර්ග ජනනය වීමට ඉඩකඩ තියෙන නිසා ඒ ගැන සැලකිල්ලක් දක්වන්න ඕන.ටැංකියේ පතුල රතු වර්ණය ආලේප කිරීම හෝ ස්ටිකරයක් ඇලවීම. මෙයින් මසුන්ට අවශ්ය ඝර්ෂණය ලබා දීමට නොහැකි නිසා වාසිදායක තත්ත්වයක් තියෙනවා.
👉 gravel වර්ග යෙදීම සුදුසුද?
Polypterus හදන අයට ටැංකියේ පතුලට gravel දාන්න එපා කියන්නේ මෙන්න මේ හේතුව නිසා. මෙයාල කෑම කන වෙලාවට suction power එක නිසා හෝ වැරදීමකින් සමහර වෙලාවට මේවා ගිලින්න වැඩි ඉඩකඩක් තියෙනවා.( කැඩී ගිය කොට කැබලි,ඉස්සො පොතු,කුඩා ගල් කෑලි ) මෙච්චර විශාල නොදිරවූ දෙයක් ගුද මාර්ගයෙන් නැවත එලියට ගන්න හැකියාවක් නැහැ එම නිසා මාලුව මිය යනවා.
Polypterus මසුන් community කරන්නේ කොහොමද?
🙃Polypterus මසුන් කියන්නේ අනෙකුත් මසුන්ට දරුණු ලෙස එළව එළවා පහර දෙන සතුන් නෙමෙයි. නමුත් ඔවුන් කුසගිනි වූ විට ඔවුන්ට ගිල දැමිය හැකි ඕනෑම දෙයක් ගිල දැමීමට පසුබට වන්නේ නැහැ.
🙃 සමහර snakehead වර්ග, සමහර විශාල catfish වර්ග, මඩුවන් වර්ග, pleco වර්ග සහ අනෙක් මසුන්ට දරුණු ලෙස පහර දෙන විලෝපික මසුන් polypterus මසුන් සමග එකට ඇති කිරීම නුවණට හුරු නැහැ.
🙃 පොලී මසුන් ඇති කරන ටැංකියේ setup එකට ගැලපෙන වර්ගයේ මසුන් තෝරා ගැනීමත් වැදගත්. මොකද ප්රධාන වශයෙන් substrate එකේ වර්ණය සහ background එකේ වර්ණය හැම මසුන්ට ම ගැලපෙන්නෙ නැති නිසා.
🙃 පොලී මසුන් සමග ඇති කරන මසුන් පිළිබඳ තව විශේෂ කාරණයක් සැලකිල්ලට ගත යුතුය polypterus යනු ටැංකියේ පතුලෙහි ජීවත් වන මසුන් කොටසක් ඔවුන්ට බාධාවක් ,තරගයක් නොවන අයුරින් කෑම ලබා දිය හැකි මසුන් වර්ග තෝරා ගැනීම නුවණට හුරු වේ. විශේෂයෙන්ම over feed වගේ දේවල් අනිවාර්යෙන් අවම කරගන්න ඕන
🙃 ඒ වගේම polypterus මසුන්ට රෝග ඇතිවූ අවස්ථාවන්වලදී භාවිතා කරන බෙහෙත් වර්ග වලට අතිශය සංවේදී නොවන මසුන් වර්ග තෝරා ගැනීම ඔබට එවැනි අවස්ථාවක් සිදුවුවහොත් මුහුණදීමට පහසුවක් වේවි.
👉 කෙනෙකු කියන්න පුළුවන්ද ඉහත සදහන් කරපු කාරණා වලට හාත්පසින්ම වෙනස් විදියට මාළු ගොඩක් කල් ඇති කරලා කිසිම ප්රශ්නයක් වුණේ නැහැ කියලා. මම මෙතන කියන්න උත්සාහ කරන්නේ කිසිම අවදානමක් ගන්නැතුව හරියටම polypterus මසුන් ඇති කරන්න කරන්න ඕන මොනවද නොකරන්න ඕන මොනවද කියල විතරයි. නිවැරදි ආරම්භයක් නොගත්තොත් මැද හරි ගියාට අග වරදිනවා ☠
